فعلا اللى اختشوا ماتوا
Translate
الاثنين، أبريل 21، 2008
ثقافة اين يقف....فى ستين داهية....
ثقافة اين يقف ...علم جديد وُجد فى عهدنا الجميل...ثقافة اين يقف...شايفكم بتضحكوا ...آه والله العظيم هذا ماقاله السيد وكيل لجنة الدفاع ردا على سؤال للسيد وائل الابراشى...واحد واقف فى بلكونة بيته تجيه طلقة او طلقتين يموت فيها وبعدين يقول ثقافة اين يقف ...منين الثقافة دى جابوها طيب السيد وزير الثقافة لماذا لم يضع لنا كُتيبات صغيرة نستطيع شرائها حتى نعرف ماهو المقصود بثقافة اين يقف ..ياترى من المسئول عن عدم نشر هذة الثقافة ...السادة المسئوزلين عن شئون المصريين فى بلاد المصريين نرجوا ونرجوا ونرجوا بل نتوسل اليكم بمعاقبة المسئولين عن ثقافة اين يقف المواطن قبل حدوث بلاوى اخرى على الاقل لتجنب هذة المشاكل فى المرات القادمة ....
الاشتراك في:
تعليقات الرسالة
(
Atom
)
مش قادر أقول غير
ردحذفأحا
أحا كبيرة كمان
نبقى نشوف بقى ثقافة أين يقف دى هتنفعة إزاى لما الناس تدوس عليه بجزمتها إن شاء الله
مش فاهمه كلامك يعنى ايه ثقافه اين نقف دى؟ يعنى لما يكون فيه مظاهرة مقفش فى بلكونه بيتنا؟ طب يبقى بقى بالمرة بلاش اقف على موقف الاتوبيس احسن السواق يتجنن ويطلع بيه على الرصيف وبعدين يفرجو عنه بعد ان يثبت ان الخطأ خطئ عشان معنديش ثقافه اين اقف
ردحذفربنا يخليك الحقنى بأى كتيب ارشادات وتعليمات اين اقف عشان العمر مش بعزقه اضيعه بجهلى عن اين اقف
اخى غير معروف
ردحذفوالله فى الحقيقة هذا كلام ممكن استخدامه كعلاج لمرضى ضغط الدم المنخفض يعنى ممكن بقدرة قادر من غير برشام ولا يحزنون يتم ارتفاع ضغطهم الى حد الانفجار والعياذ بالله هذا والله شر وجبروت وطغيان مبين انا اتهم هذا الرجل بثقافة الة الادب لانه فى هذة الحالة كان يجب ان يقدم اولا وثانيا وثالثا واجب العزاء لاب مكلوم فقد ابنه لا ان يتكلم بهذا الاسلوب الهمجى عموما وتاحد كان يعمل فى امن الدولة هكذا يكون ردة ...
فعلا رجل عديم الحياء وعديم الادب
الاخت الفاضلة كنارى
ردحذفاوعى ياستى تكونى فاكرة ان هذا الكلام كلامى والله العظيم تلاتة هذا الكلام خاص بالسيد المحترم جدا اللواء محمد عبد الفتاح عمر.وكيل لجنة الدفاع والامن القومى بمجلس الشعب ياريتك تشوفى الفيديو الخاص به على موقع آرابتيوب تحت هذة المداخلةواترك لك الحكم على الرجل اذا كان بالفعل يندرج تحت لقب الرجال والرجال منه براء
انا مش بقول انك كداب
ردحذفانا بس عاوزة اعرف ان كانت الحكومه بتوزع النصايح دى فى كتيب ارشادات وتعليمات او بتكتفى بوضعها على اسطوانات
ما لازم الواحد يعرف الحاجات دى ويكون عندة مختلف انواع الثقافه
كان الله فى العون