رغم اننى لست من محبى الاسلوب الساخر والغير مهذب الا ان مايحدث فى بلدى يجعلنى اخرج من طبيعتى المعهودة...
جاء فى تفكيرى ان الحكومة فى مصر او القائمين على شئونها هم افراد اسرة ماذا سوف يقول الاب والام لاولادهم
الام
والله العظيم انا ماخلفتشى ولا عرفت اربى...تعالوا يامواكيس وكستونى وفضحتونى ادام الناس جاتها نيلة اللى عايزة خلف مش فالحيين فى اى حاجة خيبتكم بقت خيبة قوية ومحصلتشى حد..ياخسارة تربيتنا فيكم ماتستهلوشى حتى الطفاح طفحكم السم الهارىولا كبيركم اللى بيسموه البكرى متنيل على عينه ونايم فى العسل نوم ...قوم شوفلك شغله بدل ما انت نايم على السرير طول الليل والنهار...شكلكم يقطع الخميرة من البيت حتى العيش الحاف فى زمانكم الاغبر مش لاقيينه ...30 واحد ماتوا بسبب الطوابير على العيش لا وبعدين قال رايح يجبللى لحمة امبارح يقوللى خدى ياما جبتلك لحمة مفرومة الكيلو بخمسة جنية وبعدين تطلع لحمة حمير ميتة حتى مش مدبوحة ربنا ينتقم منكم بعدله...
يدخل الاب ليقول لمراته
اييه ياوليه حسك طالع ليه مالهم ولاد الكلب دول بينى وبينك ياوليه خلفتك سودة والله واللى سماه عمر ماحد حايفلح منكم وابقوا تعالوا تفو على وشى دة انا ياحيوانات عمرى مادخلت قرش حرام فى بيتى وامال انتم طالعيين لميناورى وشى من الناس فين لولا حرام لكنت طخيت كل واحد منكم عيار واستريحت منكم ومن قرفكم بس حا اعمل ايه ربنا ياخدكم بمعرفته احسن ليكوا وليه
ليست هناك تعليقات :
إرسال تعليق
شكرا للزيارة والتعليق