مش عارف
حاسس ان كل مشاكل الشعب المصرى يمكن حلها وايضا بسهولة ويسر ولكن احس ان النظام من مصلحته ان يبقى الحال على ماهو عليه....
يعنى ايه الكلام دة يعنى مثلا كيلو اللحم وصل الى حوالى 45 جنيه ويمكن 50 لو نوعية اللحم احسن...سؤال برئ هل من مصلحة النظام ان ينشئ مزارع كبرى لمحاولة ضرب هذة الاسعار لصالح المستهلك الغلبان ...انا اعتقد ان الاجابة سوف تكون بالنفى لان هناك مصالح وبيزنس بين من هم المتواجدون على رأس السلطة وأن هؤلاء التجار حتى يبقى الامر على ماهو عليه ....يعنى بالبلدى انت حانسيبك تكسب بس فى نفس الوقت تدينا حقنا فى المكسب والا حانضرب السوق...
انا بصراحة اعطيت مثل فى اللحمة وهناك مئات الامثلة ...
ازمة وسائل نقل الركاب فى مصر من مصلحة النظام ان يبقى الامر على ماهو عليه لان هناك استيراد لالآف عربات الميكروباص ودى لوحدها فيها بيزنس بالملايين...يعنى مثلا نحن فى الاسكندرية نريد ان يكون هناك مترو انفاق اسوة بالقاهرة واتشحتفتنا على هذا المترو وحتى الآن لا حياة لمن تنادى اكيد موضوع البيزنس دة له بعض الحقيقة...
اما مشكلة البطالة فحدث ولا حرج سيادة الرئيس بعد 25 سنة خدمة وفى انتخابات الرئاسة الاخيرة وضع فى برنامجه موضوع فرص عمل للخريجين ووضع رقم لها وهو اربعة ونص مليون فرصة عمل طب دة انت سعادتك فى 25 سنة لم يتم تشغيل هذا العدد انهاردة فوقت وعرفت ان هناك شباب من العاطلين ومن الخريجين ولا هو كلام فى الهوى وعملية تخدير من ضمن عمليات التخدير التى تمارسها السلطة منذ اكثر من نصف قرن من الزمان....
نهاية الكلام من مصلحة النظام ان يبقى الحال على ماهو عليه لانه المستفيد الاول والاخير من كل هذة الازمات التى تطحن بالبلاد وبالشعب منذ اكثر من نصف قرن من الزمان
حقيقى كلام جميل ، وتحليل تمام لكن نفسى تقولى بعد كل النظريات الافتراضية أو الحقيقية والبحث عما تريده الحكومة ، احنا كشعب ، فهمنا كل حاجة نعمل ايه
ردحذف، نعمل ايه مع ولاد ال ... دول
ولك منى كل تقدير واحترام