قانون جديد ينضم الى قوانين سيئة السمعة

تبنى مجلس الشعب المصرى قانونا جديدا وهو قانون مايعرف بقانون مكافحة الشائعات...حيث انه قانون يضع قيود على الصحافة والمعلومات....حقيقة لا اعرف لماذا لا يلغوا جميع القوانين سيئة السمعة ويجعلونها فى قانون واحد مثلاقانون تكميم الافواه وعدم فتح البق فى رجالات السلطة.....انا اعتقد بهذا القانون سوف ترتاح السلطة وسوف يرتاح الشعب وكل واحد عايز يفتح بقه فى بيته فقط ومع زوجته واولاده يعنى بالبلدى يفش غله فى مراته واولاده وبكده يتلهى الشعب عن الحرامية اللى ملليين البلد والفساد الذى استشرى فى البلاد وتكثر الجريمة فى مصربين الآباء من جانب وبين اولاده وزوجته من جانب آخر...اتخبط يانظامنا انت عارف انك تلعب فى وقتك الضائع سجن شعبك كله هو اكتر من كدة يمكن يحصل ايه ماهو اللى حاصل حاصل يمكن فى السجن يجدوا بعضا من العدس او الفول اما خارج اسوار السجون فلم يعد الشعب قادر لا على هذا ولا على ذاك وانت يامجلس الشعب من المفترض تغيير اسمك الى مجلس السلطة فانت بهذا اصبحت لا تمثل الا حكامك والذين يتركونكم تنهبون وتلهفون بشرط واحد ان تعينوا الحكومة فى اصدار تشريعاتها التى تقضى على الشعب وتكمم افواه الشعب...مجلس الشعب يصدر تشريعات تكمم افواه الشعب اى مجلس شعب هذا فعلا اللى اختشوا ماتوا وكله تحت مسمى باطل وفاسد حماية البلد وحماية الجبهة الداخلية تعبير قديم من زمان لم نسمعه..وبعدين حماية الجبهة الداخلية من من من الشعب ام من العدو والذى اصبحنا معه من حد يساعدنى الله يخليكم ويعمر بيوتكم آه ه ه ه ه ه حماية الجبهة الداخلية من الشعب اللى خرج عن حدوده وبيرفع صوته على اسيادة الذين يطعمونهم من جوع ..فعلا فى دى السلطة عندها حق عامللهم دعم على الرغيف وعمللهم دعم على الدقيق وعمللهم دعم على البوغاشا وعلى رأى المثل ياكلوا حلاوة ياكلوا جاتوة ياكلوا كل اللى يحبوه..شعب فاجر شعب بليد الحس وبليد العوطف تناه على ضهر ايدة مايتمرشى فيه..دة الواحد لو بيوكل كلب كان شالهاله جميل ...فعلا شعب لا يستحق هذة السلطة ولا اعرف اذا كان العكس ممكن ام لا سلطة لا تستحق هذا الشعب