دائما مايكشر اسد مصر الاول عن انيابه ضد شعبه......
سحل وضرب بالشلاليط وضرب بالجذم...وبعدين ييجى واحد يقول السيد الرئيس لا يدرى اى شيئ عما يحدث فى بلدة.ولكنى اقول بل يعلم كل العلم وكلها اوامر من سعادته..مش ممكن ياجماعة رئيس جمهورية لا يقرأ جرايد ولا يشاهد تليفزيون ولا فضائيات ولا جزيرة ولا انترنت...مش فاضى ياولداه ادارة شئون العزبة مش امر سهل وبسم الله ماشاء الله عياله كبرم ويقدروا يشيلوا شوية عبئ من السيد الوالد اللى طول عمرة شايل هم شعبه لوحده..بصراحة مش عارف ايه طعم الحياة لسيادة الرئيس ...حايفضل طول عمرة على كدة ..زياريت يكتب الوصية ويقسم التركة على اولادة...مصر ونيلها وارضها وترابها و72 مليون من الخدم والعبيد ....تركة بسم الله ماشاء الله مافيش حد سابها قبل كدة لاى عيل من عياله...
يارب الاولاد يتفقوا على التركة وميحصلشى خلافات بينهم على التركة وبعدين يروحوا محاكم وتبقى فضيحتهم بجلاجل...والله انا خايف على الاولاد دول..هو المفروض يكون كاتب كل حاجة يعنى مثلا نهر النيل كله لعلاء والسبعين مليون يتقسموا على الاثنين ويبقى كل واحد ياخد 35 مليون عبد من العبيد
..وبعدين مصر تتقسم عليهم هما الاثنين مثلا الوجه البحرى لجمال لانه ابن بلد ولافف اما علاء ياخد الوجه القبلى لانه غلبان وبيرضى بقليله...
بصراحة دة احسن حل كدة يبقى المصريين ضمنوا مستقبلهم واصبحت الامور مستتبة فى حياة زعيمنا الله يطول فى عمره كمان وكمان لحد ماتتباع مصر كلها فى مزاد علنى
مسيرها تتعدل وتبقى عال العال...بس الصبر كمان شوية
ردحذف