واحد يسأل
طبعا سايبنها على الله امال حانسيبها على مين...دة احنا حتى روحنا كنسنا السيدة زينب ولسه حتى هذة اللحظة لم تظهر كرامات السيدة....بصراحة عايزيين نجرب كل السبل حتى لو ذهبنا الى الدجالين والمشعوذين لنعمل لهم عمل اسود يمكن ينفع اللى مافيه حاجة نافعه وياهم يالطيف اللطف يارب الطف بينا...احنا عملنا ايه فى دنيانا حتى تبتلينا بالبلوة اللى بلتنا بيها دى...ازاى نطلع من هذا المستنقع الوحل المطين كريهه الرائحة والذى ازكم انوفنا ربع قرن ...كتير والله كتير والله ومين عارف حاتكمل بالتوريث ولا لا..دى كانت تبقى الطامة الكبرى ...
دى كانت تبقى الخيبة الكبرى
دى كانت تبقى الوكسة الكبرى
دى كانت تبقى النكسة اللى اكبر من نكسة 67...
طب 67 وعرفنا نزيل آثار العدوان طب والنكسة دى ازاى تتزال آثارها..
يارب اجعلنى ان اكون فى حلم
بل اجعلنى ان اكون فى كابوس من تلك الكوابيس والتى تطبق على الصدر حتى تحس انك تختنق بل تكاد ان تموت ولكنك لن تموت لانه بانتهاء الكابوس فانت تصحو واذا صحوت فانت حى واذا احييت فانت موجود وانت تفكر...
دبرها يارب
وخلصنا منهم بحق جاة النبى واهل بيته..
ليس لى ولكن لمصرنا الحبيبة والتى ذكرتها فى قرآنك الكريم....
ليس لى ولكن لاجيال قادمة ليس لها اى ذنب فيما يجرى عى ارضها...
ماذا فعلت هذة الاجيال حتى نجعلهم يلعنون سلسفيل اليوم اللى وجدوا فيه انفسهم على الوجود...
ارحمنا يارب برحمتك
هون علينا البلوى والمصيبة
ليست هناك تعليقات :
إرسال تعليق
شكرا للزيارة والتعليق