ديكور جديد للشقة

مرة واحدة فكرت اغير الديكور..لاننى فى الحقيقة كل ما ادخل مدونة الاقيهم فارشينها وعامليين ديكور فخم وانا زى مانا عامل زى ما اكون اخدت شقة فى المساكن الشعبية ومش قادر اغير فيها اى شيئ لقلة مواردى المادية كنت فاكر ان المدونيين بيذهبوا الى مهندسى ديكور خاص بالمدونات واردت ان ارسل لاصدقائى المدونيين لاحاول معرفة التكاليف وبعدين فكرت وقلت ياواد ماتحاول لوحدك ونزلت اشتريت عدة ومواد طلاء خاصة واخذت اقرأ فى كيفية التعديل والاستوك والجير والاسمنت ...طبعا عكيت كتير فى الاول وبعدين اغير واغير واغير بصراحة مافيش احسن من ان الواحد يعمل الشغل بايده على الاقل هو عارف عايز يعمل ايه..اخذت منى بعض الوقت ولكن فى النهاية اخذت بعض الخبرة واستطيع ان اساعد اى اخ او اخت تريد ان تغير فى الديكور ..انا عموما لم يتم التشطيب بعد ولكن فى الطريق باذن الله تعالى وعموما اى اخ او اى اخت لديها بعض المعلومات ياريت ماتبخلوش علينا بيها وكله بثوابه عند ربنا....