طُغاة العالم يجب ان يرحلوا.......

كلما اتذكر كبرياء وغطرسة الرئيس الامريكى جورج بوش وهو يعلن على حاملة الطائرات الامريكية نبأ انتهاء الحرب فى العراق واسقاط تمثال صدام حسين حيث كان العالم كله يشاهد ذلك على جميع التليفزيونات العالمية..اتذكر ايضا فى بداية المعركة الجنود الامريكان وهم يُمطرون بوابل من الورود والزهور من جانب عملاء امريكا فى العراق...اتذكر كل ذلك الآن واقول ماذا لو كان كل ذلك قد حدث وانتصرت امريكا فى العراق ..كان الامتداد الامريكى فى المنطقة سيزيد مما لاشك فيه وكانت المعارك سوف تُنقل الى عاصمة عربية اخرى وهلم جر حتى يتم اخضاع كل المنطقة تحت السيطرة الامريكية ولكن فى النهاية انت تريد وانا اريد والله يفعل مايريد فلقد واجهت امريكا كل هزيمة وكل خزى وكل عار وهو مالم تحلم به هذه القوة العظمى ولا حليفتها فى كل صغيرة وكبيرة وهى بريطانيا لقد اخزاهما الله خزيا لم يعرفوه من قبل ولن يجدوا مثله فى اى بقعة اخرى على الكرة الارضية...احيانا كثيرة اشبه غطرسة الامريكان بغطرسة النظام الحاكم فى مصرفكلاهما متغطرس الفرق الوحيد ان النظام الامريكى متغطرس على شعوب اخرى غير الشعب الامريكى اما عندنا فان الامر معكوس غطرسة النظام فى مصر تتم مع شعبهولعل كل مانشاهده من غطرسة اجهزة امنية وماتفعله فى حق المواطن المصرى لهو خير دليل على مدى قُبح هذا النظام وكما انهزمت امريكا فى العراق ولا زالت تتوالى عليها المصائب من كل مكان فاننى واثق كل الثقة من ان نصر الله فى مصر قادم ولسوف ينصرنا الله على اعداء الامة مما يفعلونه معنا بحق المواطن المصرى والذى يتم ايذائه وتعذيبه والنكل به من جانب اجهزة قمعية لا تعرف للرحمة اى معنى...لقد تم التنكيل بالشعب العراقى فى ابو غريب ولكن مايظهر فى الانترنت من فيديوهات التعذيب يفوق كل حد ويفوق كل تصور فلقد هالنى هذا الفيديو الاخير والذى تم داخل احد اقسام الشرطة فى مصر وحاولت ان اقارن بينه وبين ماحدث فى ابو غريب فوجدت انه لا وجه للمقارنة بأى حال من الاحوال فما حدث فى ابو غريب عبارة عن عمليات هزار بالمقارنة بما شاهدناه على هذا الفيديو الاخير والذى يتم فيه تعذيب سائق مصرى وهو موجود داخل اللينك المثبت والخاص بعمليات التعذيب فى مصر...
وكما يتم ملاحقة وزير الدفاع الامريكى الاسبق واضع تحت كلمة الاسبق مليون من الخطوط الحمراءوالتى تبين انها لا تدوم مع اى انسان..يتم ملاحقة هذا الاخير لطلبه فى محكمة دولية للانتهاكات التى تمت فى ابو غريب فاننى واثق كل الثقة ان الدائرة سوف تدور على النظام فى مصر وسوف نطلب ملاحقة جميع من اهان مصريا وجميع من عذب مصريا وجميع من تسبب فى قتل مصريا ولانها لا تدوم الا لله حيث نشاهد جورج بوش وعلامات الهزيمة تلاحق وجه مهما حاول من ان يظهر هذة الابتسامة المزيفة فاننى واثق من ان اليوم سوف يأتى للسادة الموجودين على رأس السلطة فى مصر عندما نرى تلك الابتسامة المزيفة تظهر على وجوههم وسوف يكون زمن اللقاء قريب واقرب مما اتصور واثق فى ذلك بتمام ثقتى فى وجود خالق لا تخفى عليه مثقال ذرة من خردل خالق يهتز عرشه لوجود مظلوم على الارض.

موضوع مهم

الموضوع دة قرأته فى مدونة الاخت سوسة المفروسة ونظرا لاهميته فلقد طلبت منها ان انقله على مدونتى واحاول ونحاول جميعا نشره على منوال التاج صابنى لانه فعلا موضوع يستحق النشر وياريت جميع الاخوة فى المدونات محاولة نقله عندهم مع التنويه الى صاحبة الفكرة وهى الاخت سوسة المفروسة احقاقا للحق وللملكية الفكرية والآن اترككم مع الموضوع...

من فضلك لو سمحت يا أخ لو سمحتي يا أخت
عايزين تتحركوا؟
يئستوا ؟
زهقتوا ؟
مش عشاني ..عشانكوا

مافيش حاجه بعيده على ربنا ..ممكن ..والله ممكن ..ليه لأ
أمال بتدخلوا هنا ليه
مال كل اما يتفتح موضوع الفساد و التمديد و التوريث بتتحمسوا و
تتكلموا ليه؟
هي أخرتها اننا نكلم بعض؟..و نسمع بعض؟..وبس
طب مانجرب
نحاول ليه لأ؟
مش هانخسر كتير..كلها مشوار كله على بعضه مش هيعدي نص ساعة
مشوار صغير للقسم
أيوة القسم...ليه؟
كل اللي عدى سنه 18 سنة قدامه فرصة من دلوقتي لغاية آخر يناير يسجل
اسمه في الكشوف و يطلع البطاقة الإنتخابية
من فضلك يا أخ انت ..ليه بتقول يوووه؟
وانتي ليه بتهزي دماغك و تتنهدي و تبصي للسقف؟
طب استنوا استنوا ..هدوا نفسكوا

يا جماعه الموضوع سهل جدا و عن تجربة مابياخدش وقت خااالص
دانا اللي بنت رحت و عملتها ..انت يااللي راجل ملو هدومك خايف ليه؟
انتي ؟ ..خايفة تدخلي القسم؟
مش بعبع يعني و مش بيتلككوا و مستنيينك عشان يعتقلوكي ..عندهم
كتير..و التعامل كله مع الموظفين مش مع الشرطة خالص
كل اللي محتاجينه صورة البطاقة و بس و تروحوا تملوا استمارة واحده و
بعدها باسبوعين تروحوا تستلموا البطاقة بتاعتكم

طب لازمتها ايه؟
أقولكم ..دلوقتي طبعا يتهيألكم مالهاش لازمة ..مافيش انتخابات ولا حاجه
تحتاجها
أقولكم ..ساعة مابيبقى فيه انتخابات و يبقى نفسكوا يبقى فيه بطاقة عشان
تنزلوا تنتخبوا بيكون باب الإستخراج للبطاقات مغلق
هتقولولي لسسسسه 4 سنين على انتخابات مجلس الشعب و 5 على
انتخابات الرئاسة ..يعني لسه بدري مش هاقولكم غير جملة
واحده..الأعمار بيد الله ...أظن مفهومة

هتقولولي صوتنا مش هيغير حاجه
هقولكم الناس في انتخابات المجلس اللي فاتت قبل المرحلة النهائية -
بتاعت التزوير و مصطفى الفقي- الناس قالت كلمتها و اتسمعت
فوق التمانين من الإخوان و فوق المائة من المستقلين نجحوا رغم انف
الحزب
صحيح المستقلين انضموا بعد كده للحزب -أو أجبروا على الإنضمام مش
فارقة- لكن ده النهاردة ممكن بكرة كل حاجة تتغيرو البلد تتغير

و مش هتتغير طول ماحنا حاطين إيدينا على خدنا و بنتفرج من بعيد

يمكن في يوم من الأيام انا وانت وانتي واللي زينا يقدروا ينتخبوا حكومة
ونظام مختلف

حكومة توفرلنا أمن عشان ماحدش يتحرش بينا في الشارع

حكومة ماتوفرش حماية لواحد اتسبب في قتل ألف واحد في عبارة و
تسهله هروبه

حكومه ما يبقاش أهون شئ عليها هو الشعب اللي المفروض بتخدمه

حكومه مايسيبش رئيسها الناس بتموت و يروح يتفرج على ماتش كورة

حكومة ماتلومش الغلابة المحروقين في قطر انهم هم اللي أغبيا و
مابيعرفوش يركبوا قطارات

حكومة ما تغليش البنزين و السولار على كيفها و تتحرق البلد باللي فيه
احكومة ما تسامحش في دم ولادها اللي بيتقتلوا ع الحدود و تكتفي
بالشجب والإستنكار

حكومة تحكم بلد يتقدر فيه العلم و المتعلمين و ماتبقاش الغلبة للعيبة
الكورة و الراقصات

يا رب ماكون بانفخ في قربة مقطوعة
ماهي مش هتبقى فرسة و قطع نفس ع الفاضي

من فضلك ..لو سمحت
من فضلك ..لو سمحتي
روحوا طلعوا البطاقة الإنتخابية
يمكن

نسيت ادعو خمسة من الاخوة لنقل الموضوع على غرار التاج صابنىوهم
اياكش تولع
ارحم دماغك
حزب العواطلية
خربانة ياجدعان
مش حا سكت

تصريحات عمرو موسى الأخيرة

قرار السادة وزراء الخارجية العرب انهم سوف يقومون بفك و كسر الحصار الأقتصادى على الشعب
الفلسطينى من
جانب الدول العربية كنتيجة طبيعية وكرد فعل طبيعى نتيجة استخدام امريكا لحق الفيتو لأسقاط مشروع قرار
كان
مجلس الأمن يعتزم اصداره لادانة دولة الكيان الصهيونى النازى الفاشى العنصرى المتعجرف ...لا ادرى هل
اصفق
للقرار ام العن الذين اصدروا مثل هذا القرار .من وجهة نظرى فان قرار بهذا المعنى هو اعتراف ضمنى بان
هؤلاء جميعا شاركوا فى حصار الشعب الفلسطينى .معنى هذا انهم شاركوا فى موت اخوة لنا فى فلسطين
وهذا وحده كفيل بان يضعهم داخل اقفاص الاتهام ومحاكمتهم ولكن
تصريح السيد عمرو موسى والذى قال فيه ان الفيتو الامريكى هو استخفاف بالعرب واضع تحت كلمة استخفاف
مليون من الخطوط لأن الولايات المتحدة الأمريكية تستخف بعقولنا منذ مايزيد على النصف قرن من الزمان وعلى
ذلك اقول ن مثل هذا التصريح هو استخفاف من السيد عمرو موسى بعقولناوكان اولى له ثم اولى ان يصمت لأن
الصمت فى حد ذاته لهو خير دليل على الرفض .....
عموما كما يقول المثل نصف العمى ولا العمى كله ولا حول ولا قوة الا بالله العلى العظيم