ايه اللى بيحصل فى بلد سيدى مبارك؟؟؟؟؟ هل نحن مقبلون على بداية انحلال الدولة
..قراتى لصحف اليوم اوحى لى ان عهد سيدى مبارك بدا فى الانحلال والتفكك وهذا
شيئ طبيعى للغاية فلا يمكن لاى نظام بمثل هذا الانحلال الا ان يصيب كل المجتمع
بالتفكك والنهاية ولانه نظام اهوج ونظام غبى ومتكبر فلن يقتنع بسهولة الا اذا غرقت
السفينة بكل من فيها رغم اقتناعى التام انهم يملكون طوق النجاة والذى لا يملكه كل
افراد شعبنا ....فلقد تم تهريب الاموال اللازمة لهم ولمائة جيل من بعدهم واننى لعلى
يقين انه تم شراء القصور فى مدن اوربا الغربية كلندن وباريس كما فعل من قبل نائب
الرئيس السورى سابقا .....هيا نلقى نظرة على ماجاء فى جريدة المصرى اليوم عمال نظافة الجيزة يواصلون اعتصامهم لليوم الخامس ..ويتعرضون للتوبيخ بسبب «زبالة» المحافظhttp://www.almasry-alyoum.com/article.aspx?ArticleID=56165&r=tفشل المفاوضات مع عمال «المنصورة- إسبانيا».. واعتصامات السويس تدخل اليوم العاشرhttp://12.47.45.221/article.aspx?ArticleID=56166&r=tالاحتجاجات العمالية تتصاعد في ٣ قطاعات في القاهرة والجيزةhttp://12.47.45.221/article.aspx?ArticleID=56164&r=t١٥٠٠ عامل بهيئة النقل العام يضربون عن العمل احتجاجاً علي سوء المعاملة.. و«اغتصاب حقوقهم المالية»http://www.almasry-alyoum.com/article.aspx?ArticleID=56163&r=t.
أهالي قلعة الكبش تظاهروا أمام محافظة القاهرة ثم انتقلوا إلي التحرير.http://12.47.45.221/article.aspx?ArticleID=56249&r=tناهيك عما يحدث فى الاسكندرية وعمال شركة بوليفارا وعشرات الشركات الاخرى
فى بر مصر.....والمسئولين يذهبون كل يوم الى سيدى مبارك ويبلغونه ان كل شيئ
على مايرام او بمفهوم عسكر مصرم تمام يا افندم
ايه ياست هويدا طه اللى انت عملتيه ....ايه ياست هويدا طه اللى سخمطيه ...برضه
ده برنامج تعمليه على قناة الجزيرة .....ياشيخه اتقى الله وحرام عليكوا اللى انتم
بتعملوه فى البلد ....صدقينى مدام هويدا وراء الشمس دى كانت فى الماضى السحيق
ايام اللى مايتسمى جمال عبد الناصر واول من خرج تعبير هذا اللفظ عليه هو الشيخ
عاشور امام مسجد المرسى ابو العباس بالاسكندرية بعد حديثه مع عبد الناصر
وفضح الرجل لممارسات رجال الاتحادالاشتراكى بعدها سمعنا هذا التعبيراين ذهب
الشيخ عاشور .....ذهب وراء الشمس اما اليوم وفى عهد زعيمنا سيدى مبارك فنحن
نعيش فترة هى من ازهى عصور مصر وسيبك من الكلام الفاضى بتاع شوية
العيال امثال عماد الكبير وشوية العيال المدونين واللى انا واحد منهم ....كله كذب
مافيش تعذيب فى مصر بل ان المصريين هم الذين يعذبون رجال السلطة
ويحملونهم فوق طاقتهم ودول برضه يامدام هويدا بشر من دم ولحم وكفاية
انهم شاييلين هم 70مليون من اللى مايتسموا ....المحكمة حكمت بحبسك 6
اشهر و10000الاف جنيه غرامة ابقى خللى الجزيرة تنفعك ...عموما اقترح
عليكى انك تروحى تحبى على ايد سيدى مبارك وتعتذرى له عن اللى حصل
وبالمرة تروحى تباركى لسيدى جمال على فرحه وبالمرة تنقطيه لانى حسب ماسمعت انه راح نقطك فى فرحك لا تنسى ان تقراى المعوذتين قبل ما تدخلى على سيدى مبارك وربنا يجيب العواقب سليمة يارب
